Рабочы сшытак па літаратурным чытанні (аўтар В. Б. Атліванава) утрымлівае заданні, распрацаваныя да кожнага тэксту вучэбнага дапаможніка “Літаратурнае чытанне” для 4 класа. Згодна з кампетэнтнасным падыходам пры навучанні чытанню важна навучыць дзяцей:карыстацца чытаннем як сродкам набыцця ведаў, усведамляць разнастайныя па форме, структуры і логіцы тэксты, з апорай на асабісты вопыт даваць ацэнку адзначаным ў іх фактам, падзеям і з’явам, інтэрпрэтаваць успрыняты тэкст, здабываць патрэбную інфармацыю з розных крыніц. Прапанаванае выданне дасць магчымасць настаўніку арганізаваць на ўроку эфектыўную работу па фарміраванні ў вучняў чытацкай граматнасці. Адрасуецца настаўнікам пачатковых класаў, чацвёртакласнікам і іх бацькам.